Dotará a este porto dunhas instalacións  que mellorarán a capacidade das superficies do porto para outros usos

- Como elemento fundamental para construción deste novo espazo utilizarase a madeira que nas súas diferentes formas integrarase no entorno portuario

- O custo estimado para esta actuación é duns catro millóns de  euros e licitarase neste ano 2010

Santiago, 6 de agosto de 2010.- O presidente de Portos de Galicia, José Manuel Álvarez-Campana, presentou hoxe no concello de Miño o proxecto denominado “balcón de Miño” de ampliación da superficie portuaria que dotará a este porto dunhas instalacións  que mellorarán a capacidade das superficies do porto para outros usos. Coa creación destes novos espazos propondrase un lugar axeitado de encontro e esparexemento dos visitantes e cidadáns de Miño nunha zona que contará cun acceso cara o mar, con servizos e unha zona delimitada para aparcadoiros.

Como elemento fundamental para construción deste novo espazo utilizarase a madeira que nas súas diferentes formas integrarase no entorno portuario. A ampliación dos 5.878 metros cadrados de superficie levarase a cabo  mediante o adiantamento pilotado sobre o mar desta superficie ao longo duns 190 metros de lonxitude nunha media de 36 metros de ancho. Con este adiantamento pilotado evitarase un importante recheo xa que

O custo estimado para esta actuación é duns catro millóns de  euros e licitarase neste ano 2010. Este proxecto forma parte das ampliacións e melloras das superficies  que se están a levar a acabo polo ente público Portos de Galicia nas súas instalacións portuarias.