Este programa experimentouse nos portos de Muxía, Espasante, Cedeira, Corcubión e Laxe para de seguido amplialo probablemente a outras dársenas galegas

• Portos de Galicia, no seu compromiso de mellorar a seguridade das persoas, embarcacións e instalacións portuarias, ven realizando nos últimos anos diversos estudos co fin de paliar esta problemática estudando alternativas con diferentes configuracións

• Os traballos realizados ata o de agora comprenden unha campaña de monitorización da onda longa e ondaxes, velocidade e dirección das correntes, ondaxe direccional dispoñendo tamén dun sistema para a súa recepción en tempo real

Santiago, 10 de xullo de 2010.- Portos de Galicia está a estudar os datos obtidos no programa de seguimento e medida das ondaxes en varias dársenas autonómicas. Estes datos, e o resultado do estudo, servirán cara á realización de futuras actuacións nos diversos portos galegos. Este programa experimentouse nunha primeira fase nos portos de Muxía, Espasante, Cedeira, Corcubión e Laxe para, de seguido amplialo, probablemente, a outras dársenas galegas.

Portos de Galicia, no seu compromiso de mellorar a seguridade das persoas, embarcacións e instalacións portuarias, ven realizando nos últimos meses diversos estudos co fin de paliar esta problemática estudando alternativas con diferentes configuracións.

Como conclusións destes estudos, e dada a complexidade do problema da onda longa, é polo que está a estudar os datos obtidos neste programa de seguimento e medida das ondas longas e axitación dentro das radas para, desta maneira poder calibrar os modelos utilizados nos estudos obtidos e ter uns datos da realidade existente nos portos.

Con este traballo o organismo portuario está analizando as melloras da axitación en varias dársenas para determinar as futuras decisións a tomar. Neste senso existen, ás veces, problemas de axitación con fortes temporais nalgunhas radas pero, principalmente, problemas de axitación con movementos asociados que producen a aparición das ondas longas dentro dos abrigos das augas interiores dársenas portuarias.

Os traballos realizados ata o de agora consisten  nunha monitorización da onda longa e ondaxes con  equipos que miden os datos de presión, a velocidade e dirección das correntes, a ondaxe direccional dispoñendo tamén dun sistema para a súa recepción en tempo real e lectura de datos en liña ademais do almacenamento histórico dos resultados obtidos.

As obras consisten na colocación dun pantalán para embarque e desembarque de pasaxeiros de 24 metros de lonxitude por catro de ancho paralelo ao peirao

• Irá unido por medio dunha pasarela perpendicular ao peirao de 20 metros de lonxitude e dous de ancho que facilitará o paso ao devandito pantalán de embarque

Santiago, 8 de xullo de 2010.- Portos de Galicia executa as obras de instalación dun pantalán para embarque de pasaxeiros no porto das Corbaceiras, cumprindo  o compromiso efectuado polo presidente de Portos de Galicia de establecer un lugar para tráfico de pasaxeiros na ría de Pontevedra.

Na actualidade están a colocarse os pilotes que suxeitarán ao pantalán. As obras consisten na colocación dun pantalán para embarque e desembarque de pasaxeiros de 24 metros de lonxitude por cato de ancho, paralelo ao peirao das  Corbaceiras, e que irá unido por medio dunha pasarela perpendicular ao peirao de 20 metros de lonxitude e dous de ancho que facilitará o paso ao devandito pantalán de embarque.

Recuperación do porto
As obras de recuperación do porto das Corbaceiras comezaron coa retirada de varias embarcacións abandonadas sobre a gran rampla do porto, a limpeza da maleza dos muros do peirao e da dársena portuaria.
A finalidade destas accións é a de recuperar para o uso cidadán un porto tradicionalmente histórico e emblemático para a cidade de Pontevedra, no que se ubica o histórico Gremio de Mareantes, a Escola de Piragüismo de Pontevedra e as futuras instalacións de Portos de Galicia en Pontevedra.
Recentemente remataron as obras de recuperación do antigo adoquinado do peirao das Corbaceiras nunha extensión duns 200 metros cadrados emprazados entre o eixo central da explanada e a marxe do río Lérez, nese lugar. A recuperación do resto da explanada realizarase gradualmente para non interferir na actividade dun espazo portuario tan importante para a cidade. Tamén foi retirado recentemente o antigo galpón metálico existente na explanada portuaria como unha acción mais de acondicionamento do porto e o seu entorno.